Dizze tún leit op in bûtenwenstich fraaie lokaasje en foarmet in oergong nei it iepen, romme polderlânskip deromhinne. Fanwege de grutte flakten oan alle kanten hat de wyn faak frij spul. De beplanting yn de tún is dêr op ôfstimd en wurdt ferbûn oan de soarten dy't eigen binne oan it gebiet.
Floeiende oergongen
In part fan de wente leit op in terp. De eftertún leit aardich leger en wurdt dêrtroch út in oar perspektyf wei besjoen. Benammen de bysûndere foarm fan de fiver is fan dy hichte ôf goed te sjen. De iggen fan de fiver binne net skerp, sadat in ôfwikseling yn leefmiljeu ûntstiet, wat in fariearre beplanting opleveret en ferskillende bistesoarten oanlûkt.
Grientetún op in eilantsje
De foartún oan de lanlike polderdyk lûkt de oandacht nei de reidbedutsen wente. Ofrûne plantefakken mei beammen en kleurrike beplanting derûnder en deromhinne liede it each nei dit karakteristike hûs. De tún hat in natuerlike útstrieling en de ynrjochting docht oarspronklik oan. Allinne de grientetún hat in nij en bysûnder plak krigen: dy leit op in eilantsje, dat allinne fia in plankier te berikken is.
